رواد السوشيال ميديا عن أولى حلقات "أمين وشركاه": "كمية ضحك رهيبة"
رواد السوشيال ميديا عن أولى حلقات "أمين وشركاه": "كمية ضحك رهيبة"

طرحت قناة dmc أولى حلقات برنامج "أمين وشركاه"، والتي بدأت منذ فترة على مسرح جامعة مصر للعلوم والتكنولوجيا، بمدينة السادس من أكتوبر، وقدمت حتى الآن 5 مسرحيات، وتستمر العروض على المسرح يومي الخميس والجمعة من كل أسبوع.

تفاعل جمهور ومتابعي الفنان أحمد أمين على صفحاتهم الشخصية على مواقع السوشال ميديا، فعلى حسابه الرسمي بموقع التغريدات القصير "Twitter " غردت "إيمان طه" فقالت له "أمين عدى كل الحدود واخدنا لعالم تانى بعيد عن ألم الواقع، أنا فعلا ضحكت من قلبى جدا وأنا كنت محتاجة دا من فترة، يمكن كان هيبقى أحسن لو شوفت المسرحية بث مباشر بس المسافات تمنعنى، شكرا لكل واحد اشتغل ع العمل دا وشكرا DMC انها عرضته عشان الغلابة اللى زي"، وذكر "علي بيه مظهر" لأحمد أمين "من الناس اللي تضحك من غير إسفاف أو إيحاءات والأهم أنك تخلي عيلتك كلها تتفرج علي البرنامج بتاعه وأنت مش قلقان أن في أي حاجة خارجة هتتقال من الاخر فنان عبقري و محترم"، بينما قالت له "نور محمود": "نورت الشاشه يا فنااااان".

بينما قالت "سيلينا": "شكرا أحمد أمين مش بس عشان أنت فنان مبدع و بتقدم محتوي محترم و بتضحكنا، لكن كمان عشان قدمت محتوي ينفع يتقال عليه فعلا مسرح"، وذكر عزت: "أحمد أمين عامل مسرح عظيم بجد كمية ضحك رهيبة وشكلنا داخلين على حاجه كويسة أوي".

وعلى موقع "فيس بوك" كتب له العديد من متابعيه في التعليقات ردا على ما نشره عبر صفحته الرسمية "بتبسط بوجودكم في المسرح، بآرائكم و صوركم، وبتابعكم دايماً زي ما بتابعوني، الخميس و الجمعة من كل أسبوع مسرحية جديدة، يارب تعجبكم، مستنيكم".

وقالت "Valide Sültan" له: "أنا من أشد المعجبين بأحمد أمين كممثل كوميدى رائع مع ان أنا عندى ٦٥ سنة بس بأشوفه الآن أخف دم موجود على الساحة بس خايفة من حكاية مسرحية كل أسبوع دى نوصل لمسرح مصر إللى عمرى ماضحكت فيه إطلاقا أرجوك خد بالك لان نجاحك يهمنى جدا وياما دعيت انك تاخد مكانتك اللى تستحقها فيه حاجه كمان انت خاسس جدا فيه ايه ان كان من الإجهاد حاول تعمل توازن وارجع زى ماكنت ربنا يوفقك"، فيما قال له "Khaled Elmaestro": "العرض النهارده كان تحفه"، وقالت له "Nadia Lazghab": "يعني مش حنشوفك في رمضان عشان عندك مسرحية.. مين حيضكني".

 

 

 

رواد السوشيال ميديا عن أولى حلقات


رواد السوشيال ميديا عن أولى حلقات


رواد السوشيال ميديا عن أولى حلقات


رواد السوشيال ميديا عن أولى حلقات


رواد السوشيال ميديا عن أولى حلقات


رواد السوشيال ميديا عن أولى حلقات


المصدر : الوطن